Pinang Wak Ude

Riwayat / Kisah tentang
Wak Ude....................
Orang Pertame Kali Nanam Pohon Pinang didaerah Lubai.

Neman makan Pempek ngan ngihup cuke uji jeme galak ngajungkan gigi mudah patah ( Ompong).Percaye jadi, dek de juge dek ape-ape. Cuman kalu kite perhatikan, jeme tue zaman dulu hususnye betine di daerah Lubai jarang kite kinak giginye hangol (bace Ompong) enggoh die lah tue.

Menuhut cerite salah sikok penyebabnye, karena jeme betine zaman dulu galak ngunyah siheh.Tentunye ye dikunyah bukan cuman daun siheh saje.Ade campuran laen misal nye Getah Gambeh, Pinang entah pedie lagi ditutok / diaduk-aduk kada'an Jeme mbuat sambal mak itu.

Khusus untok Pinang, biasenye ye digunekan adelah Buah ye lah tue (guguh diwek).Sewaktu maseh gi didusun duluni jarang tekinak ke jeme njulok buah pinang.

Batang Pinang bentoknye luhus, dan Pinang bebuah biasenye kalu lah agak gayuh (Bace Tinggi).Pinang bukan temasok tumbohan utan, jadi peranggohan jeme musem ini awal mula ade nye pohon Pinang karena dikembangbiakan/ dibudidayakan.

Didaerah Lubai Bibit Pinang dibawe dan ditanam untuk pertame kalinye oleh salah seorang perantau yang berasal dari daerah seberang (bedasarkan cerite nai mulut ke mulut).Seberang itu daerah mane, sampai mak ini kami juge elum buleh penjelasan.

Adepun name Jeme ye pertame kali mawe bibet pinang itu kedaerah Lubai adelah Wak Ude...................Kami juge belum buleh penjelasan sampai mak ini ape kah Wak Ude itu Jantan Atau Betine ( sebab antauan Uwak bersipat Umum ) pacak untok Jantan, pacak juge untok Betine.

Sebagai pengharga'an atas jase Wak Ude.............Jeme Lubai akhernye membuat sebuah pantun ye kire2 bebuyni sebagai berikut:

Wak Ude..........................Pinang Wak Ude.
Pinang Wak Ude...............Dibelah due.
Lah sude...........................Rasan lah sude.
Tinggal bepiker..................Kite hang due.

Terimekaseh...............enggoh kami Jaoh, hude itu susah pule, Tapi kami tetap tehingat ngan daerah Lubai.Wasalam.....