Pahat Takokan

Cerite pengalaman menyedihkan sekitar taun 75 an.

Waktu itu kebenahan sekolah dang peri. Biaselah, namenye anak jeme sare. Jadi kalu dang peri sekolah pasti diajung nakok. Singkat cerite kelam bute akab lah sude diasahkan pahat leh Alm Ebak. Rencane nye nak nakok ke ayah mahang. Mbak selijok, berangkatlah kami (aku ngan Alm.Umak) pegi nakok. Entah mak mane kau mungken mantak ahi maseh gi pagi pas diayah gambeh ngarapkan belukah Alm. Mang Gulip (Ebaknye Wadi) tekinak lah ke Kancel dang minom. Waktu itu kebenahan ahi dang musem kemarau. Entah sengaje ape dek de, ku tarek kan lah pahat didalam kambu Alm. Umak (kami dang bejalan be irengan). Dek bepiker due kali pahat ye landap dek kejamak'an itu langsung kusebatkan ke Kancel dang minom.

Sebatan pertame dek kene, kancel maseh nege.Ku ambek lagi pahat ye sikok nye, pas sebatan ke due pahat tecapeng di busung Kancel.Kancel langsung tedudok.Alm Umak laju heran, nginak aku belahi nyengok kancel lah bedaha-daha. Cuman ruginye.......pahat pertame ye disebatkan kecul patah. Pahat kedue ye tetancap di busung kancel, kapan di cabut suboknye pukel. Alhasel ahi itu dek laju nakok (balek wale)

Sepanjang jalan aku dimeh-mehi leh Alm Umak. Antare laen umongan kenan idup bukan mudah, nyakah duet sare. Kau awak lah besak perangi maseh lok budak kecek. Singgenye banyak ucehan kenan sampai2 kidak tu berenti ba'i lah sekolah.Aku diam sekahat dek kutimbali umongan kenan. Sambel ngipok Kancel pulehan nyebat ngan pahat tadi, terus ku irengkan Alm Umak bejalan balek kedusun

Pas lah sampai ditepi kute lah hendak nekad kehumah ku aneng Alm.umak dek de lagi ncurutah marahi aku. Mungken kenan mehase dek lemak kalu di aneng leh jeme laen. Nah .....................sejak nai sane, aku dek behani lagi maen kan pahat, kecuali kalu takok'an lah sude. Adak namenye budak dang mehanjak, kadang2 galak nian nules name dibatang apean makai pahat untok nakok.Atulah salah sikok pengalaman idup waktu maseh nuhutkan endung bapang

Sumber cerite : https://www.facebook.com/zikriadi.lubai