Istilah Uyangan

Uyangan....................  Uji jeme kota/pasar musem........

Nah................didusun uyangan ini banyak macam nye.Waktu aku maseh SD, ade uyang ma'enan (mobel2an, letup2an dll). Ade juge uyangan buah ( uyangan randengan, haman sampai ke uyangan kemurangan). Uyangan buah ye paleng tehingat leh aku adelah uyangan Setul, sebab sampai mak ini ahi ade kisah nye ye dek pacak lupe nai ingatanku. Ceritenye....................................... mulak'i nai sekolah kami (Alm.Yadi, Asrotan, Arses, Malyadi temasok aku diwek) lah berencane, balek nai sekolah nak naek setul. 

Setul ye kan dinaek ni Setul Almarhumah Puyang Hanah (uji umongan jeme nai mulut ke mulut), aku diwek lum ulah nanye kan langsung ke kenan. Agoknye dipucok jalan mandi ayah ileh pengkalan betine. Batangnye besak, ade mbak balangan gerubak. Adak care sekolah zaman atu, sampai diparak tangge humah Arses (tangge batu) nepek kan lah buku ye dibawe nai sekolah tadi. Terus kami belime pegi kepingger lubai agok batang setul ye kan dinaek. Antatkan nak naek dibuat kesepekatan, aku jage dibawah supaye pacak ngenjok kode (isyarat) seandainye ade jeme jantan tue ye kan lalu mandi awanai bawah batang setul terutame 

Kang Dehah ( Ebak nye Edison). Kenan atu galak nyengap/ marah kalu tekinak ke kite dang naek buah2an. Entah Kenan tu marah nian ape cuman galak ngicak2'i ba'i, berhubung kami maseh kecek ye jalas lah takutan. Masalah buah setul......... kele Aku di guguhi leh kance2 ye naek kepucok batang. Pecak aman, kance dipucok kukinak lah mulai nginget kulet setul..............Aku ngantau.Guguhi oi...................belum. Guguhi oi..........maseh juge lum nguguhi.

Singkat kate lah temalak aku minte guguhi, maseh dek dinabekan jeme. Hupe nye jeme dipucokni memeng lah sepakat dek kan nguguhi aku setul. Maksudnye mungken supaye aku naek (jangan nak lemak ba'i dibawah), padahal kance2 tau nian, kalu aku paleng te ungkut (nyerah) mon nak di ajung naek. 

Mehase aku dibudikan leh jeme ye dang dipucok batang, pegal juge ati. Ku ambek bekas nayang nioh pajang sekitar due depe, ku culetkan ke ta'i burus. Adak zaman itu jeme dusun rate2 miseng nye di tepi kute, jadi mudah dek kejamak'an mon sekedar nak nyakah ta'i. Dek keruan batang setul sebesak itu langsung kusemer ngan ta'i. Dalam ati ku .........................berije lah mengkawan nak tuhun. Aku langsung balek, sekalian nyinggahi buku ye ditepekan ditangge tadi. 

Lum lame ige sampai dihumah, ku aneng kance2 tadi lah iruk di tengah laman Almarhumah Bung Muneng (mon kami ngantau nye Ninek Heryanah) ngumongkan aku jeme dek matang. Entah sape ye ndulu tuhun, dami tekecak ke ta'i langsung naek kepucok lagi. Al hasel kance2 tuhun nye laju gum gam gum tehenjun nai dahan ye agak nyuntai ketanah.lantak lah kau, untung dek ngatek ye tekihul.

Sumber cerite : https://www.facebook.com/zikriadi.lubai